(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

15.10.05

Heimilissíminn virðist vera bilaður þannig að ef einhver þarf að ná í mig er best að hringja í gemsann. Það kemur fyrir að ég heyri í honum. En reyndar kemur líka fyrir að ég heyri ekki í honum þótt ég sé með hann í vasanum.

|

Ég fór á lagersöluna sem Erna var að segja frá og það fór náttúrlega fyrir mér eins og henni, ég keypti alls konar misgagnlegt dót og fer örugglega aftur. Kannski bara strax á eftir. Þetta hefur greinilega hent fleiri því að ég mætti sjálfum Bó í dyrunum; hann var að koma í annað sinn og hafði alveg misst sig þarna daginn áður, sagði hann.

Ekki-tæmandi lista yfir innkaupin má sjá á matarspjallinu á Gestgjafavefnum.

|

Mig dreymdi í nótt - og það gerist nú ekki oft að ég muni draumana mína - að til mín kom par með alveg nýfætt barn. Ég kannaðist eitthvað við þau en kom þeim þó ekki fyrir mig. Maðurinn sagðist vera frændi minn.

Og svo kveiki ég á textavarpinu og það fyrsta sem ég sé er að það er fæddur prins hjá Frikka og Maju. Við Frikki erum náttúrlega skyld aftur í ættir. Segið svo að ég sé ekki berdreymin.

|

14.10.05

Og Jolli bara orðinn landsliðsþjálfari. Sífellt aukast nú vegtyllur okkar sem ólumst upp á Smáragrundinni.

|

Ég var klukkuð aftur og fyrst ég sleit keðjuna í fyrra skiptið (og geri það aftur núna) er best að ég setji hér nokkrar fleiri staðreyndir um sjálfa mig:

1. Ég var einu sinni búin að fá skólavist í húsmæðraskólanum á Varmalandi. Ætlaði að hætta í menntaskóla og fara að læra til húsmóður. Kannski væri ég núna bóndakona í Borgarfirði ef ég hefði gert alvöru úr því. Hver veit.

2. Mig hefur alltaf langað til að vera rauðhærð. Að vísu hafa sumir haldið því fram að ég rauðhærð (reyndar langt síðan ég heyrði það síðast) en það er della. Þegar ég var lítil var ég aftur á móti með svartan lokk vinstra megin á höfðinu.

3. Ég drekk ekki áfenga drykki eftir miðnætti. Þá skipti ég yfir í vatn. Frábært prinsipp sem hefur bjargað fjöldamörgum helgarmorgnum fyrir mér.

4. Ég er í alvöru blóðlöt en tekst merkilega vel að fela það út á við. Þetta dylst hins vegar ekki þeim sem koma heim til mín.

5. Ég borðaði ekki kartöflur frá því ég var lítil þar til ég var 15-16 ára. Núna þykja mér þær verulega góðar (ef þær eru góðar). Einu sinni var ég um tíma í Holti hjá afa og ömmu og amma var eitthvað að býsnast yfir þessari matvendni í barninu að borða ekki kartöflur. Þá tautaði afi: ,,Mér væri svosem sama þótt ég sæi þær aldrei." Amma heyrði þetta og varð afskaplega undrandi, sagðist aldrei hafa heyrt han nefna þetta áður. Þá voru þau búin að vera gift í meira en 50 ár.

|

13.10.05

Smákökumyndasessjónin með Sauðargærunni gekk eins og í sögu. Það fór afskaplega vel á með Sauðargærunni og Gísla ljósmyndara og ég held að það hafi komið fínustu myndir út úr þessu. Þið fáið að sjá árangurinn í kökublaði Gestgjafans.

Við bökuðum súkkulaðimúffur sem flestar voru skreyttar með marglitum kóngulóarvefjum og grimmdarlegum kóngulóm (mér áskotnuðust nokkrar túbur með kökuskreytingalitum í gær), hafrakökur með rúsínum, klessukökur með söxuðu súkkulaði, skjóttar smákökur, súkkulaðikúlur með súkkulaðibitum og piparkökur. Drengurinn skemmti sér konunglega og borðaði meira að segja eina eða tvær af sortunum. Kóngulóamúffurnar eru samt enn allar ósnertar, hann tímir ekki að borða þær.

Og nú erum við að sjóða hangikjöt handa mannskapnum.

|

Ég veit ekki hvort er eitthvað að draga úr kökubakstursáhuga drengsins en þessa stundina hefur hann eingöngu áhuga á kökudósasafninu mínu, sem hann er búinn að breyta í trommusett.

Hann gengur rösklega fram í trommuslætti eins og öðrum verkum.

Annars á ég ágætis kökudósasafn og þar á meðal er ein dós sem ýmsir hafa ágirnd á. Allt karlmenn. Þetta er nefnilega dós með mynd af danska fótboltalandsliðinu, merkt Mexico '86. Hinn merkasti gripur.

|

Ég er ekki alveg í stuði til að byrja að baka smákökur klukkan hálfsjö að morgni.

Það ríkir ekki mikill skilningur á því sjónarmiði hjá dóttursyninum.

|

12.10.05

Sauðargæran ætlar að koma í heimsókn á eftir, gista og hjálpa mér svo á morgun að baka smákökur fyrir kökublaðið. Mér skilst að hann sé afskaplega spenntur, enda er hann mikill áhugamaður um matargerð og bakstur eins og oft hefur komið fram. Og ekki spillir að hann fær frí á leikskólanum allan daginn.

Um kvöldið er svo von á allri fjölskyldunni í mat eins og aðra fimmtudaga og af því að ég er komin í svo mikið jólaskap ætla ég að bjóða upp á hangikjöt. Ekki samt laufabrauð, en örugglega Ora grænar baunir og uppstúf.

|

Ég er alveg óhugnanlega nálægt því að komast í jólaskap. Og sé fram á að verða í jólaskapi næsta mánuðinn. Sem er út af fyrir sig í lagi nema svo er það bara búið. Eftir miðjan nóvember verð ég komin með jólafóbíu, sekk ofan í skammdegisþunglyndi og melankólíu og fer að elda eitthvert fjandans hollmeti og megrunarfæði. Þorláksmessuboðið í stórhættu ...

Við erum löngu búin að komast að þeirri niðurstöðu að það hafi vantað alla jólastemmningu í jólablað Gestgjafans í fyrra þannig að nú á að bæta úr því. Og svo hafa verið að hrúgast að mér fleiri jólatengd verkefni sem þarf að vinna á næstu dögum og vikum. Þetta er ekki gott ástand.

|

11.10.05

Ég þarf að baka svolítið upp úr nýjasta Gestgjafanum í kvöld og fann svo ekki blaðið. Þar sem nýjustu uppskriftirnar eru ekki komnar á vefinn þýddi ekki að leita þar svo að ég hringdi í gagnlega barnið, lét hana lesa uppskriftirnar og punktaði niður beint á tölvuna. Svona lítur önnur uppskriftin út:

fo
2 1
500 ml v
1 sykur
2 s
50 ml ól
650 hv
2 m o til að bera
200 25
1/2 tóm
2 hvít
1/2 rl
125 mozz
1 1/2 dl pe
pdparmask
40 g sólþ
200 rjo
100 sýrð

Ég skil þetta alveg. En það er líklega eins gott að ég er yfirleitt ekki að flýta mér alveg svona mikið þegar ég skrifa uppskriftirnar mínar niður.

|

Erfiður dagur í dag. Og stefnir ekkert í að verða auðveldari þótt ég sé komin heim.

Ég bjó til tvær skyrkökur og fimm rúllutertur fyrir myndatöku í vinnunni í dag. Nei, sex rúllutertur reyndar; ein fór í klessu. Á eftir að gera eitthvað í kvöld sem ég man ekki í svipinn hvað er. Jú, brauð, brauðterta og tiramisu.

Kosturinn við rúllutertur er náttúrlega að þær eru svo fljótbakaðar að það er ekki stórmál þótt maður klúðri einni og einni.

|

10.10.05

Ég fékk boðsbréf um frían miða á einhverja Exclusive Full Day Internet Marketing Workshop Training. Eða ég held að ég hafi átt að fá þetta en boðið er reyndar stílað á Nanna R. Gnvaldard"Ttir. Og utan á umslaginu stendur Frí námstefna á Hotel Nordica með mat. Aðgangsmiðar innifaldir! en á miða í umslaginu stendur að þetta sé á Grand Hótel.

Ég er hrædd um að ég mundi reyna að vanda mig betur við mitt Internet Marketing ef ég væri í svoleiðis.

En Gnvaldard"Tir er flott nafn. Hljómar eins og heiti á tröllaprinsessu úr einhverri fantasíubók.

|

Ég uppgötvaði það þegar ég kom heim áðan frá því að borða kvöldmatinn austur á Eyrarbakka og var búin að hita mér kaffi (alveg án SMS-skilaboða) að það er mjólkurlaust á bænum. Og eiginlega of kalt til að ég nenni út. Svo að ég hugsaði með mér að kannski væri réttast að ég byrjaði núna á því sem ég er búin að stefna að seinustu tuttuguogfimm árin og færi að venja mig á að drekka kaffið mitt svart.

Sko, ég geri þetta reyndar stundum. Þegar ég er að drekka espresso eða grískt kaffi, auðvitað, og líka þegar ég kaupi mér bolla af Keníakaffi. Get ekki drukkið það með mjólk. Og ég get alveg drukkið þetta kaffi mjólkurlaust, enda er þetta ágætis Cuba Turquino. Gott kaffi get ég vel drukkið svart og sennilega verður ekki langt þar til mér fer að þykja það betra þannig - þarf bara að hrista af mér rúmlega þrjátíu ára vana.

En vont kaffi - eða öllu heldur ,,ekkert sérlega gott kaffi" - það verð ég að drekka með mjólk. Held að ég muni eiga mjög erfitt með að venja mig af því.

|

Mig vantar svona. Eftir að efnafræðistúdentinn flutti að heiman þarf ég að standa upp tvisvar þegar ég ætla að hita mér kaffi - fyrst til að setja vatnið í ketilinn og kveikja á honum, svo aftur til að hella vatninu í þrýstikönnuna - en ef ég ætti svona ketil gæti ég bara setið kyrr við tölvuna, sent katlinum SMS og staðið upp þegar vatnið sýður.

Æi, nei, það þarf víst að setja vatn í ketilinn. Og mala kaffið og setja það í könnuna.

|

9.10.05

Ég er að lesa bókina Matur og matgerð, sem ég nefndi í gær að ég hefði eignast. Margar uppskriftirnar gætu alveg eins verið úr íslenskri matreiðslubók frá sama tíma en aðrar eru auðvitað ókunnuglegri. En auðvitað eru nöfnin mörg skemmtileg í augum Íslendinga. Hér eru til dæmis Nýrur í breyðbjálfa, Leskiligir munnbitar, Stoktur havhestur, Kamsur upp á pannu, Útlendskt góðaráð, Súltutoyspungar og Visnaður lundi.

Það væri nú gaman að vita hvaða íslensk matarheiti Færeyingum þykja sérlega skondin.

|