(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

2.9.06

Nóg eftir ...

Það er nóg eftir af bókum enn þannig að það verður hægt að koma hér við í kvöld og næstu daga ef einhvern langar að grúska í skræðunum.

|

Bækurnar bíða

Bækurnar sem bíða í kössum á borðstofuborðinu urðu eitthvað fjölbreyttari en upphaflega stóð til. Þegar ég fór að fara í gegnum þetta var ansi margt sem ég nenni ekki að flytja með mér.

Ég get samt ekkert endilega skýrt hvað ræður valinu. Hvers vegna fóru t.d. bækur eftir Steinunni Sig. og Gyrði Elíasson í kassana en ekki Nótt við Norðurpól eftir Örve Richter Frich?

Verðugt rannsóknarefni. Kannski.

En verið velkomin að ná ykkur í bækur. Takið helst með poka, ég á ekkert voðalega mikið af þeim.

|

1.9.06

Britannica

Á meðan ég man: Hefur einhver áhuga á Encyclopaediu Britannicu, 1990-útgáfunni? Hún fæst hér gratís ef einhver er með tæpa tvo hillumetra lausa.

|

Á götunni ...

... nei, reyndar ekki, en þessa stundina á ég enga íbúð. Var að enda við að ganga frá afsali á Kárastígnum. Núverandi eigendur, einkasonurinn og skylmingastúlkan, hafa samt boðið mér að búa þar næstu sex vikurnar eða svo - og ég þarf ekki einu sinni að borga leigu ...

|

Birtíngur

Nú er komið í ljós að ég er að vinna hjá Útgáfufélaginu Birtíngi næstu þrjár vikurnar.

Mér fannst samt mín hugmynd betri.

|

31.8.06

Bækur í boði ...

Ókei, það er boðið upp á bækur og kaffi á Kárastígnum á laugardaginn frá klukkan ellefu um morguninn og fram eftir degi. Komið bara og losið mig við eitthvað af þessu.

|

Síðasti kaffitíminn

Síðasti kaffitíminn hjá Fróða búinn (nei, ég er ekki að hætta fyrr en eftir þrjár vikur en á morgun heitir fyrirtækið eitthvað annað - ekki Íslendingasagnaútgáfan þó, ég er eiginlega hætt að fylgjast með hjá hverjum ég er að vinna).

Fráfarandi eigendur sáu ekki ástæðu til að bjóða starfsmönnum upp á vínirbrauð með kaffinu í kveðjuskyni. Hvað þá tertu. Sem ekki er kannski von, það eru svo fáir eftir sem voru hér þegar þeir tóku við fyrir tveimur árum.

Ég hefði nú bakað ef ég hefði verið beðin um það.

Ég tók ekki þátt í verðlaunasamkeppni um nýtt nafn á fyrirtækið. Var samt að hugsa um að stinga upp á nafninu Rústabjörgun ehf. en held að ég hefði ekki fengið að fara út að borða út á þá tillögu.

|

Verðugt minnismerki

Blessunin hún Julia Child var mikil kjarnakona og full ástæða til að minnast hennar á ýmsan hátt. Þetta er samt svolítið spes.

Mér finnst að þegar ég hrekk upp af ætti einhver bóndi að skreyta túnið sitt svona mér til heiðurs.

|

Allir sem eru með hár ...

Undarleg taktík hjá Skjá 1 að sleppa þessu hér fyrir auglýsingar:

,,Brooke reminds us of the original bottom three, Ryan, Storm (who couldn't be happier), and Lukas (who looks surprised but kind of amused). There were others who landed in the bottom three - Toby and Dilana. Interestingly, Dilana gets less of a round of boos than Toby does. Magni exclaims, ,,What?" after he realizes he's the only one sitting down. Dave asks if Brooke said, ,,Everyone with hair, stand up." He?s surprised; after last night?s performances, no one should be standing up. But that's not how this show works, Dave. Tommy thinks they're having a huge party in Iceland right now."

(af realitynewsonline.com)

Þetta var náttúrlega aðalmálið - en vonandi verður þetta sýnt þegar þátturinn verður endurtekinn.

|

30.8.06

Framtíðarsýn Sauðargærunnar

Sauðargæran við foreldra sína í gær (á heimleið úr Kringlunni):

-Þegar konan er búin að fæða barn ætla ég oft að fara með hann á McDonalds.

Eftir nokkrar umræður kom fram að þessi yfirlýsing þýddi ,,þegar ég er orðinn pabbi ætla ég oft með strákinn minn á McDonalds".

Úr henni má líka lesa það að hann er karlremba með smekk fyrir ruslfæði. Veit þó jafnframt að ekkert þýðir að nauða í foreldrunum að fara með sig á McDonalds (ömmur eru vænlegri til slíks) og ætlar að gera betur sjálfur í barnauppeldi þegar þar að kemur. Gerir sér líka grein fyrir staðreyndum lífsins og að hlutirnir þurfa að gerast í réttri röð.

|

29.8.06

Bókahrúga

Einhvern næstu daga ætla ég að stilla nokkrum kössum upp á borðstofuborðið mitt. Í þeim verða nokkur hundruð bækur sem ég ætla að losa mig við og fólk má koma og grúska í og hirða. Þetta verða bækur af ýmsu tagi - glæpareyfarar (fullt af gömlum eins og John Dickson Carr, Ngaio Marsh o.þ.h., eitthvað nýrra í bland), fantasíubækur, ástarsögur, eitthvað fleira. Hugsanlega einhver þjóðlegur fróðleikur, ljóðabækur og íslenskar skáldsögur.

Engar matreiðslubækur.

Þeir sem hafa áhuga á að koma og grúska geta sent mér tölvupóst eða gefið sig fram í kommentakerfinu. Ég nenni ekki að flytja þetta með mér.

|

28.8.06

Líf í kössum

Mér er kalt.

Gamla skrifstofan mín var ekki gallalaus en mér var aldrei kalt þar.

Hún stendur enn auð. Skil nú ekki af hverju lá svona á að ég flytti mig ...

Whatever. Þetta eru nú bara rúmar þrjár vikur í viðbót sem ég þarf að dúsa hér. Kem bara með peysu á morgun. Eða kannski á ég hlýja peysu hérna ofan í kassa. Ef ég myndi nú hvaða kassa ...

Líf mitt verður líklega í kössum næstu mánuði. Hér uppfrá er mestallt mitt dót komið í kassa og bíður flutnings. Ég er reyndar ekki byrjuð að setja ofan í kassa heima en ég er þó komin með slatta af kössum.

Er að hugsa um að losa mig við slatta af bókum til að fækka kössunum. Ekki matreiðslubókum samt.

|