(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

11.3.05

Ég er að fara norður á eftir og kem væntanlega aftur á mánudag. Nema ég verði veðurteppt náttúrlega. Á ekki von á að komast í tölvu fyrir norðan þannig að - bless á meðan.

|

10.3.05

Tölvan mín virðist um það bil að gefa upp öndina þótt mér tækist að halda henni í gangi nokkra stund í kvöld með aðstoð pakka af ljósum muscovadosykri.

Tölva efnafræðistúdentsins er með dyntótt lyklaborð.

Þannig að ég kannski er ekki að blogga neitt mikið núna. Verð samt að koma með eina tilvitnun í efnafræðistúdentinn:

-Hann sagði að ég mætti ekki segja nokkrum lifandi manni þetta. En hann hefur líka sagt að konur séu ekki menn. Svo að það hlýtur að vera í lagi að ég segi þér þetta.

|

Þið þarna norðan heiða, er nokkuð verulega slæmt veðurútlit? Þarf ég að taka stórhríðaúlpuna mína með til Akureyrar á morgun?

Gestgjafinn er semsagt á leið til höfuðstaðar Norðurlands að fylgjast með keppninni Matreiðslumaður ársins, skoða sýninguna Matur-inn, kynna sér akureyrsk veitingahús og fleira.

Ég ætlaði að fara að skrifa eitthvað um að ég hefði örugglega ekki komið til Akureyrar að vetrarlagi í tuttugu ár eða meira. En svo mundi ég að ég kom þangað í fyrravetur. Duh ...

|

9.3.05

Efnafræðistúdentinn (birtist óvænt áðan eftir að hafa legið sofandi inni hjá sér alveg frá því að móðir hans kom heim): -Hvernig var dagurinn annars hjá þér?

Móðirin (horfir út í loftið, hugsar sig lengi um): -Ég man það ekki.

Efnafræðistúdentinn: -Þetta var nú típísk þú.

Kannski. En ég man enn ekki hvernig dagurinn í dag var. Nema ég man að ég vaknaði klukkan sex til að steikja lambalæri. Ætli ég hafi gert eitthvað meira?

|

Þetta vissi ég nú alveg:





You Are Not Scary

Not Scary!

Everyone loves you. Isn't that sweet?




Ég er svoddan gæðablóð.

|

Ég var að fá tilkynningu frá Amazon.com um að steypujárnspönnurnar þrjár sem ég pantaði mér á dögunum (takk fyrir ábendinguna, Hildigunnur) væru lagðar af stað til mín. Eða öllu heldur til Norfolk, þar sem ShopUSA á að taka við þeim. Nú er eftir að vita hvernig það gengur, ég hef ekki áður verslað gegnum ShopUSA.

Ég borga rétt um 30 dollara fyrir pönnurnar og reiknaðist til að það væri eitthvað svipað sem bættist við hjá ShopUSA. Aftur á móti slepp ég alveg við flutningskostnað innan Bandaríkjanna, þar sem en ég fékk eitthvað sem heitir Super Saver Discount hjá Amazon. Það þýðir að maður borgar engan flutnings- eða pökkunarkostnað innan Bandaríkjanna. Þar sem pönnurnar vigta nærri 20 pund munar um það, kostnaðurinn hefði átt að vera um 27 dollarar og það hefði náttúrlega bæst við tollverðið á pönnunum. Þetta verður eitthvað lengur á leiðinni en mér bráðliggur svosem ekkert á pönnunum.

Og dollarinn náttúrlega í botni.

|

Þeir félagar Typhographers V. Readmitted, Arbitrator R. Upgrades, Saragossa B. Shortness, Craws F. Heckler, Apparent H. Gimme og Chiefly O. Directory hafa verið duglegir að senda mér póst upp á síðkastið. Full af spakmælum og visku, ásamt tilboði um að læra hvernig á að ,,have the best sex humanly possible". Eða kaupa einhverjar pillur. Nema hvorttveggja sé.

Núna síðast fékk ég póst frá Boulevards L. Sperm með fyrirsögninni We haven't been introduced. Það er alveg rétt hjá Boulevards og ég er ekkert viss um að mig langi til að láta kynna mig fyrir einhverjum sem kallar sig Boulevards L. Sperm.

Annars var blessaður maðurinn að ausa yfir mig einhverri speki sem ég skildi lítið, byrjaði á að tala um guð og hagfræðinga og klykkti út með þessu:

,,I don't think makeup is rocket science or a cure for cancer. Excellence means when a man or woman asks of himself more than others do."

Mér finnst þetta miklu skemmtilegra spamm heldur en þessi venjulegu tippalengingabrjóstastækkanatilboð (sem ég er reyndar alveg hætt að fá).

|

8.3.05

Mig langar alveg rosalega í rabarbaramylsnuböku eftir að ég las þetta.

Í Englandi er hægt að fá gróðurhúsaræktaðan rabarbara frá því í janúarlok. Hann er virkilega góður. Af hverju ætli engum íslenskum garðyrkjubónda detti í hug að rækta rabarbara? Ég mundi kaupa hann.

|

Þetta var frekar erfiður dagur. Byrjaði á að ég þurfti að liggja á bekk og gefa sjálfri mér rafstuð í hnéð í hálftíma. Svo þurfti ég út í Krónu að versla; umferðarljósin á Höfðabakkanum virkuðu ekki og ég þurfti að bíða heillengi í rigningunni áður en ég komst yfir því að auðvitað er enginn bíll að stoppa fyrir einhverri kellingu. Þegar ég gekk aftur til baka með innkaupapokana voru ljósin komin í lag en það sáu samt ekki allir bílstjórar ástæðu til að stoppa fyrir einhverri kellingu þótt hún væri komin út á miðja götu þegar rauði kallinn kom og ég var nærri orðin undir bíl.

Svo þurfti ég að elda fyrir myndatöku, sem var reyndar bara fínt nema hnéð á mér hefur ekki gott af því þegar ég stend lengi í einu.

Æ, og svo var ýmislegt fleira. Satt að segja þyrfti ég að elda eitthvað til að koma mér í betra skap. En ég má ekki vera að því af því ég þarf að baka kökur sem Gestgjafakonur ætla með í Íslandi í bítið í fyrramálið (ég verð ekki þar) og svo þarf ég að vakna í fyrramálið til að steikja lambalæri.

Vesen ...

|

7.3.05

Ég er að elda ungverska gúllassúpu. Alvöru bográcsgulyás. Svo mikið alvöru að ég notaði svínafeiti til að brúna grænmetið og kjötið. Steingleymdi hins vegar að ég á ungverskan bogrács (pott) sem ég hefði náttúrlega átt að elda þetta í. Gerir ekkert til, súpan er góð. Einmitt það sem grey efnafræðistúdentinn þarf, hann er eitthvað slappur þessa dagana.

Bestu gúllassúpuna sem ég hef borðað fékk ég annars á þjóðvegakaffihúsi einhvers staðar á veginum milli Búdapest og Vínar. Vel sterk en alls ekki of og svo var borin fram sterk paprika með til að strá yfir. Ég sleppti henni samt að mestu.

Best að athuga hvort drengurinn hefur ekki matarlyst.

|

Já, á meðan ég man: Er enginn sem vill tjá sig um nýjasta tölublað Gestgjafans? Við viljum gjarna fá gagnrýni, bæði jákvæða og neikvæða.

Svo er ég að skrifa spurt-og-svarað-dálkinn fyrir næsta blað - eruð þið með einhverjar matartengdar spurningar sem ykkur langar að vita svör við?

|

Það er allt útlit fyrir að ég sé að fara að leggjast í ferðalög á næstunni. Akureyri um næstu helgi og Pétursborg um páskana. Ég á nú að kannast við mig á Akureyri en öðru máli gegnir um Rússland. Er einhver lesandi kunnugur í Pétursborg? Ég tala nú ekki um ef einhver veit af góðum veitingastöðum ...

Ég verð semsagt ekki á landinu á afmælisdegi gagnlega barnsins en hún þolir það nú alveg. En ég geri mér engar grillur um að ég sleppi við að kaupa páskaegg handa barnabörnunum. Já, og þá þarf ég sennilega líka að kaupa eitt handa grey efnafræðistúdentinum. Eitt lítið.

|

6.3.05

Ég var að ljúka við þýðingu á texta um safapressun, sem mér skilst að sé voðalega mikið in núna. Allt í lagi með það, þetta er ábyggilega allt svakalega hollt og heilsusamlegt og ég er viss um að ég hefði gott af því að fara á safakúr.

En í hráefniskaflanum, þar sem taldar eru upp ýmsar tegundir ávaxta og grænmetis, sagt frá kostum þeirra og til hvers á að nota safann, þá hefur eitthvað farið á milli mála. Seinasti liðurinn í umfjöllun um hvert hráefni heitir Preparation og þar er sagt hvað á að gera við þetta áður en það fer í safapressuna. Og sá texti passar misvel við hráefnið. Allavega leist mér ekki á þegar kom að spínatinu og þar stóð: ,,Peel and break into segments." Sami texti er reyndar líka við steinselju og víðar.

Ég hef nú gert ýmislegt furðulegt í eldhúsinu mínu um dagana. En ég hef enn ekki flysjað spínat.

|