(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

29.1.09

,,Styður þú ríkisstjórnina ...?"

Ég var að svara áðan Gallupkönnun sem ég fékk senda. Allt í lagi með það nema þarna kom heimskulegasta spurning sem ég hef séð lengi og hef ég þó séð þær margar sérkennilegar, ekki síst hjá Gallup. Afsakið, Capacent. Whatever.

Spurningin var nefnilega þessi: Styður þú ríkisstjórnina?

Skjús mí. Hvaða ríkisstjórn? Þessa fráfarandi eða þessa tilvonandi? Ef ég svara könnuninni núna er svarið trúlega ekki sama og ef ég svara henni á morgun eða laugardaginn. Ekki gat ég séð að þarna kæmu fram nein tímamörk eða upplýsingar um hvenær þessu yrði lokað þannig að það er vel hugsanlegt að í niðurstöðunum blandist saman stuðningur við Geirsstjórnina og Jóhönnustjórnina - sem væntanlega er ekki mjög marktækt.

Einhvernveginn sé ég ekki fyrir mér að nokkur maður styðji fráfarandi stjórn úr því sem komið er, sama hvar í flokki þeir standa, og í rauninni fáránlegt að vera að spyrja um stuðning við hana. Aftur á móti er varla tímabært að spyrja um spurning við nýja stjórn fyrr en hún er tekin við - ekki nema þá ef spurningin væri ,,styður þú þá ríkisstjórn sem útlit er fyrir að taki við á næstu dögum" eða eitthvað slíkt - en þannig var hún ekki orðuð.

Svo að ef stjórnin tekur við á morgun eða hinn og Capacent birtir svo til samstundis niðurstöður úr könnun um stuðning við ríkisstjórnina - ja, þá er maðkur í mysunni.

|