Màtti svosem vita ad luxus- og letilifid aetti eftir ad hefna sin einhvernveginn. Nuna er èg nefnilega med kvef og nefrennsli ... Annars er allt i godu lagi, èg labba um, gaedi mèr à torinoskum kràsum af ymsu tagi, sit à kaffihusum og gelaterium eda flatmaga i svitunni minni og geri ekki neitt.

Thetta er alvorusvita. Med sex fermetra rumi à nedri haedinni, hàlfgerdu dansgolfi, marmarabadherbergi med nuddsturtu (sex stutar) og à efri haedinni er rum, skrifbord, pallur thar sem 10 manns gaetu sofid i svefnpokum og sèrstakt geymsluherbergi. Eg er nu ekki alveg ad nyta allt thetta plass ... og èg sem pantadi bara ,,double room for single use".

Annars er thetta hotel allt mjog ovenjulegt.

Buin ad yfirgefa luxusinn i klaustrinu i Santo Stefano Belbo og komin til Torino - adeins minni luxus en herbergid mitt er samt à tveimur haedum og àlika stort og medalibud i 101 Reykjavik.

Buin ad vera ad hàma i mig eilifar kraesingar sidustu daga en nànari lysing bidur betri tima.

Ciao.

Luxuslifid heldur àfram her à Relais San Maurizio en ekki halda ad èg liggi hèr i leti - nei, èg var ad koma ur 3 klukkutima eldhussession thar sem èg laerdi ad bua til agnolotti hjà Lidiu. Eg nàdi henni samt ekki alveg i hrada - hun er buin ad bua til 3000 agnolotti à dag sidustu 45 àrin, èg nàdi ad bua til svona 20 stykki.

La vita è bella.

Hvernig veit madur ad madur er a alvoruluxushoteli?

Ju, thegar eg kom a herbergid (sem er afskaplega flott) beid eftir mer gjof fra hotelinu: M.a. serstakur klutur ,,for polishing your jewels". Einmitt thad sem mig hefur alltaf vantad ...

Jæja, þá er komið að Ítalíureisunni.

Ég fer reyndar ekki fyrr en seinnipartinn í dag svo að það getur vel verið að ég skrifi eitthvað meira áður en ég fer en svo veit ég ekkert hvort ég verð í einhverju netsambandi næstu 11 dagana. Kemur í ljós.

Það er spáð 25 stiga hita og sólskini í Piemonte næstu dagana. En ég verð reyndar í London í nótt og á morgun; þar sýnist mér að sé fínasta veður líka.

Arrivederci.

Gunna systir á afmæli í dag en hún er að frílysta sig úti í Búdapest (uppáhaldsborginni minni); ég sendi henni samt afmæliskveðju hér ef hún skyldi sjá þetta. Gunna, farðu í Butterfly-ísbúðina á Teréz körút og fáðu þér ís (passaðu bara að fara ekki í ísbúðina við hliðina, ísinn þar er ekki líkt því eins góður)

Hallbjörn Hjartarson á líka afmæli í dag og hann er meira að segja sjötugur.

Ég kom við í Bókavörðunni í gær og gekk út með töluvert af bókum og fleiru. Þar á meðal var fjölritið Heimilisfræði: Námsefni í drengjabekkjum 1973-1974.

Og hvað lærðu nú drengir í heimilisfræðum fyrir 30 árum? Ja, þetta byrjar á kaflanum Lagt á borð og þar segir m.a.: ,,Leggið framburðaráhöldin hjá réttunum eða í röð til hægri hliðar við disk húsmóðurinnar. Framburðardiskur með mundlín er látinn til vinstri."

Ég hef nú horft á ýmsa karlmenn á mínum aldri leggja á borð en það get ég svarið að enginn þeirra hefur nokkru sinni sett framburðardisk með mundlíni vinstra megin við disk húsmóðurinnar. (Reyndar man ég ekki eftir að hafa séð konur gera það heldur.) Svo að eitthvað hefur þessi kennsla farið forðgörðum.

Svo kemur heil blaðsíða um uppþvott, enda var það náttúrlega aðalhlutverk blessaðra drengjanna í eldhúsinu. Eitthvað smávegis um næringarfræði. Ein blaðsíða um skóburstun. Peysuþvottur, skyrtuþvottur og blaðsíða um pressun á buxum og jökkum. Þetta er allt og sumt sem drengirnir áttu að læra í heimilisfræði, sýnist mér. Hvergi minnst á þann möguleika að þeir eldi mat, til dæmis.

En ég þarf að fara að finna til mundlín svo að ég geti tekið efnafræðistúdentinn í almennilegt námskeið í að leggja á borð. Fyrst ég er komin með manúalinn.