(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

10.11.05

Hmm, ætli ég verði ekki að fara að pakka niður?

En vegabréfið er á vísum stað og kortin mín líka. Þarf maður nokkuð fleira?

Óvíst að ég láti heyra í mér aftur fyrr en á mánudag, veit ekkert hversu netvætt hótelið er.

Bless á meðan.

|

Ég var að fletta því upp hjá mér áðan að fyrir tveimur árum var jólablaðið að fara í prentun viku seinna en það gerir núna og við vorum samt allt of seinar með það og vorum að vinna fram á nætur síðustu dagana. Núna lítur þetta allt ágætlega út, það eru fjórir virkir dagar eftir í prentsmiðjuskil og svo helgin. Allt efni komið nema ein grein og mestallt prófarkalesið og komið í umbrot. Búið að taka nánast allar myndir.

Jólablaðið fyrir tveimur árum var 116 síður og þótti stórt. Jólablaðið í ár verður 164 síður. Og á sama tíma og það var unnið kláraði starfsfólk Gestgjafans tvær matreiðslubækur sem báðar eru komnar í prentun.

Fyrir tveimur árum hefði mér ekki dottið í hug að stinga af til útlanda rétt fyrir prentsmiðjuskil. Núna sé ég ekkert að því.

|

9.11.05

Stirred, not shaken.

You Are a Martini
There's no other way to say it: you're a total lush.You hold your liquor well, and you hold a lot of it!

|

Ég fann vegabréfið. En ég tek aftur það sem ég sagði í gær um að það væri örugglega á góðum stað.

Ég ákvað að beita rökhugsun: Hvenær notaði ég vegabréfið síðast? Jú, þegar ég kom heim frá Ítalíu. Hvað kom ég annað með heim úr þeirri ferð sem ég hef ekkert notað síðan? Jú, gimsteinafægiklútinn minn. Gæti ekki bara verið að þetta sé á sama stað? Þá þarf ég bara að finna duluna ... æi.

Eftir töluvert mikla leit fann ég vegabréfið. Það var reyndar á sama stað og pússiklúturinn, sem lá ofan á því. Þetta var á botninum á vaskafati sem hafði fyrir dularfulla röð atvika hafnað inni í einu horninu á svefnherberginu mínu. Undir vasapela og kókaínbarónsgleraugum efnafræðistúdentsins og fleira dóti.

Ég held ég verði bara að viðurkenna að þetta er ekki góður staður.

Hnífaparaskúffan blívur.

|

Var ekki búin að átta mig á því fyrr en Frakklandsferðin mín er náttúrlega brúðkaupsferð. Eða silfurbrúðkaupsferð, öllu heldur. Og bara mjög vel viðeigandi að ég fari ein í brúðkaupsferðina mína.

Það er allavega örugglega skárra veður í Búrgund en hér. Hvað sem öðru líður.

|

8.11.05

Já, og Arnaldur fékk Gullna rýtinginn fyrir Grafarþögn, sem ég ætla að játa að ég hef aldrei lesið. Ég fór nú og fann lista yfir fyrri verðlaunabækur og athugaði hvað ég hefði lesið. Eða öllu heldur, hvað ég myndi eftir að hafa lesið. Þær voru nú ekkert voðalega margar:

Njósnarinn sem kom inn úr kuldanum, John le Carré, 1963
The Perfect Murder, H.R.F. Keating, 1964
The Far Side of the Dollar, Ross Macdonald, 1965
The Seven Percent Solution, Nicholas Meyer, 1975
The Honourable Schoolboy, John le Carré, 1977
Whip Hand, Dick Francis, 1979
Gorky Park, Martin Cruz Smith, 1981
The Twelfth Juror, B.M. Gill, 1984
Cruel and Unusual, Patricia Cornwell, 1993

Ég þarf líklega að fara að lesa meira.

|

Ég ætla semsagt að bregða mér til Frakklands um helgina, það er að segja ef ég finn fjandans vegabréfið. Búin að finna blaðamannapassann en hann dugir líklega ekki. Nema hvað myndin í honum líkist mér en það verður ekki sagt um myndina í vegabréfinu.

Einhver mundi nú segja að þetta væri ekki rétti tíminn til að fara á þær slóðir en ég efast um að það sé mikið um óeirðir á vínekrunum í Búrgund. Geri allavega ráð fyrir að komast á áfangastað, svo verður bara að ráðast hvort ég kemst heim aftur. Ég á jú eftir þrjár vikur af sumarfríinu ...

|

Klassískt Nönnuvandamál: Ég finn ekki vegabréfið mitt.

Það er einhvers staðar á góðum stað. Gallinn er að ég man ekki hvar sá staður er.

Síðasti góði staður þar á undan var mjög góður. Hefði átt að halda mig við hann. Það var nefnilega hnífaparaskúffan. Vegabréf sem geymt er í hnífaparaskúffunni týnist ekki. Það er alltaf á vísum stað og maður sér það daglega. Oft á dag.

Ég setti það þar eftir að ég fann það í súputarínunni. Tek fram að það var ekki ég sem setti það í tarínuna og það er ekki þar núna.

Ég þarf víst að fara að gera leit.

|

7.11.05

Ég var að hugsa um að fara út að borða í tilefni af silfurbrúðkaupinu. Hætti samt við það, heimsótti í staðinn efnafræðistúdentinn á Te og kaffi og drakk með honum súkkulaðibolla.

Ég var að fletta DV og þar var heilsíðuauglýsing frá romantik.is sem við mæðginin stúderuðum saman. Ég rak augun í einhvern kanínutitrara sem tekið var fram að væri ætlaður 18-25 ára konum. Mér fannst sjálfsagt að efnafræðistúdentinn útskýrði þessi aldurstakmörk fyrir mér þar sem hann er á þessum aldri en hann kvaðst ekkert vita og minnti mig á að hann væri ekki kona.

Þá fór ég að skoða búninga en hætti þegar það rann upp fyrir mér að þeir eru almennt ekki til í mínu númeri. Held samt að ég þurfi ekki á síðuna sem Magga var að vísa á; það er nú til millivegur.

|

Langar einhvern í ... kjúklinganagga?

Sjá líka hér:

|

Ég var rétt í þessu að átta mig á því að ef ég væri ennþá gift manninum sem ég var einu sinni gift, þá ættum við silfurbrúðkaup í dag.

Blóm og kransar vinsamlegast afþökkuð.

|

6.11.05

Nóvember er afmælismánuður í minni fjölskyldu - barnaafmæli þrjár helgar. Var í tólf ára afmæli hjá systursyni mínum, svo verður bróðursonur minn ellefu ára seinna í mánuðinum og Boltastelpan tólf ára í mánaðarlok. Þrjú afmæli í sama mánuði er náttúrlega ekki mikið, virðist bara meira af því að þau eru öll á sama aldri - og svo varð systurdóttir mín tólf ára í júní þannig að við systkinin eigum öll afkomendur á þessu reki. Ég er bara kynslóð á undan hinum.

Hér áður fyrr var hægt að velja svipaðar afmælisgjafir handa þeim öllum. Ég er hrædd um að það gangi ekki lengur, þetta eru allt afskaplega ólíkir einstaklingar með gjörólík áhugamál. Samkomulag þeirra frændsystkinanna er samt ágætt - ennþá að minnsta kosti.

Fyrst ég minnist á gjafir: Ég spurði Sauðargæruna áðan hvað hann vildi fá í jólagjöf - eða öllu heldur hvað hann vildi fleira en alvöruveiðistöng og háf, eins og hann var þegar búinn að segja mér.

- Mikið, svaraði hann.

Ég held að það verði ekkert erfitt að finna jólagjöf handa honum. Systir hans gæti orðið meira vandamál - og þar þarf að finna bæði jóla- og afmælisgjöf.

|

Var ónefndi maðurinn í fyrsta sætinu? Það er allavega ekki hægt að skilja Moggann öðruvísi, þar stendur þetta:

Niðurstaða prófkjörsins var þessi:
1.
2. Vilhjálmur Þ. Vilhjálmsson með 6.424 atkvæði í 1. sæti.
3. Hanna Birna Kristjánsdóttir með 6.392 atkvæði í 1.-2. sæti.
4. Gísli Marteinn Baldursson með 6.694 atkvæði í 1.-3. sæti.
5. Kjartan Magnússon með 6.264 atkvæði í 1.-4. sæti.
6. Júlíus Vífill Ingvarsson með 5.943 atkvæði í 1.-5. sæti.
7. Þorbjörg Helga Vigfúsdóttir með 6.629 atkvæði í 1.-6. sæti.
8. Jórunn Frímannsdóttir með 6.422 atkvæði í 1.-7. sæti.
9. Sif Sigfúsdóttir með 5.723 atkvæði í 1.-8. sæti.
10. Bolli Thoroddsen með 6.100 atkvæði í 1.-9. sæti.

(Viðbót: OK, það er búið að laga listann núna - en þetta var svolítið fyndið.)

|