(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

17.6.06

Hæ, hó ...

Gleðilega þjóðhátíð.

Hér sit ég með kaffibolla og smjördeigshorn, smurð með kveðusultu og muroise-hlaupi (muroise er blendingur af hindberi og brómberi, að ég held) frá sultugerðarkonunni Christine Ferber í Alsace. Og lífið er bara ágætt, takk fyrir.

Nú vantar ekkert nema bita af góðum osti.

(Sjáið bara hvað ég er þjóðleg í mér í dag, nema auðvitað ætti ég að baka pönnukökur til að sýna það almennilega. Með rabarbarasultu. Við sjáum nú til.)

|

16.6.06

Pylsubrauð

Hvar fær maður pylsubrauð sem er ekki búið að skera í sundur?

|

Aldur og störf

Ég gleymdi annars alveg að segja frá því að gagnlega barnið var að byrja í nýju starfi og nú get ég sagt ,,dóttir mín skrifstofustjórinn". Það hljómar reyndar eins og ég sé komin að minnsta kosti á sjötugsaldur.

Æi, fjandakornið. Ég stirðna upp í svona veðri og held svei mér þá að í morgun hafi ég hreyft mig eins og ég væri komin á sjötugsaldur. Minnst. Svo að þetta er allt afstætt.

|

Koldskål

Af hverju er maður ekki í Danmörku, þar sem veðrið kvað vera svo gott að sala á koldskål mun vera að setja nýtt met?

Hér sitjum við á Gestgjafanum og erum alveg á nálum af því að það á eftir að klára eina útimyndatöku fyrir næsta blað en það er spáð stanslausri rigningu eða a.m.k. dimmviðri alveg fram yfir prentsmiðjudag.

Ég og fjölskyldan erum reyndar að fara til Danmerkur í júlí en það eru þrjár vikur þar til við förum og þá verður þetta örugglega búið að snúast við og farið að rigna þar.

Einkasonurinn og skylmingastúlkan eru að fara til Kúbu á mánudag. Mér skilst að nú sé regntíminn á Kúbu. Allavega er fellibyljatíminn að byrja.

En eins og ég sagði í gær, þá virðist veðrið ekki hafa merkjanleg áhrif á sölu grillblaðsins og nú er meira að segja búið að ákveða að endurprenta það. Þetta hefur ekki gerst áður í sögu Gestgjafans svo vitað sé.

Svo sjáum við nú til hvernig verður með grillveðrið hér á Höfðanum í hádeginu. Það er allavega hægt a drekka bjórinn innandyra ef þannig stendur á.

|

15.6.06

Uppselt

Grillblað Gestgjafans er uppselt hjá útgáfunni. Þannig að ef þið ætluðuð að kaupa það en eruð ekki búin, þá er um að gera að rjúka til núna, á meðan enn er eitthvað til í búðum ...

Það hefur svosem gerst áður að blöð hafi selst upp. En ekki svona snemma, það eru tvær vikur í að næsta blað komi út.

Við vorum svolítið smeyk um að veðrið mundi draga úr sölu, fólk væri ekki í miklu grillstuði. En matarblöð eru hvort eð er svo mikil pornóblöð að líklega dugir það mörgum að fletta blaðinu og láta sig dreyma ...

|

14.6.06

Af áhugamálum og áhugaleysi

Var í vín- og ostasmökkun í Ostabúðinni á vegum Vínskólans. Það var verulega ljúft. Alveg sérstaklega Stiltonosturinn með Rivesaltes. Meiriháttar. En það var nú fleira gott þarna. Hollenski primadonnaosturinn með Dievole Rinascimento var til dæmis alveg að virka. Hlakka til að fara á fleiri námskeið í haust (og ferðir, það er á hreinu - það var svo gaman í Alsace).

Nú er ég að bíða eftir Boltastelpunni, við ætlum að horfa saman á Project Runway á Stöð 1 plús (sem er mikil snilldaruppfinning). Hún kemst nefnilega ekki í að horfa á það heima hjá sér vegna fótboltaáhuga foreldranna. Hér á bæ er þeim áhuga ekki fyrir að fara.

|

Now you're talking ...

Bara svona í framhaldi af síðustu færslu ...

Hluti af stjórn starfsmannafélagsins birtist í dyrunum hjá mér rétt í þessu.

Stjórnin: -Nanna, mætirðu ekki í grillið í hádeginu á föstudaginn?

Matargúrúið: -Hmm, hvað á að grilla?

Stjórnin: -Kjöt! Svína- og lamba ...

Matargúrúið: -Svona forkryddað drasl eitthvert?

Stjórnin: -Já.

Matargúrúið: -Forget it.

Stjórnin: -Svo verður bjór líka ...

Matargúrúið: -Þið áttuð að segja það strax. Auðvitað kem ég.

|

Tvennt í stöðunni

Ég er búin að komast að þeirri niðurstöðu að við núverandi ástand enda ég annaðhvort sem atvinnulaus eða alkóhólisti.

Náttúrlega ef ég verð alkóhólisti missi ég vinnuna hvort eð er, fyrr eða síðar.

Þannig að kannski ætti ég bara að hætta strax. Minna vesen.

En í millitíðinni er ég að fara á vínkynningu. Ekki á Vínbarnum þó.

|

13.6.06

Sæti til sölu

Ókei, það er erfitt að fá borð á El Bulli. Mjög erfitt í flestum tilvikum. Pantanir teknar einu sinni á ári í 2-3 daga, þá er allt upppantað fyrir árið. Það er yfirleitt eins og að vinna í lottói að fá borð þar.

Ókei, El Bulli er númer eitt á lista Restaurant Magazine yfir 50 bestu veitingahús í heimi.

En þetta finnst mér samt einum of. Alveg sama hvað mig langaði mikið til að borða á El Bulli (og ég væri alveg til í það, seiseijú), þá mundi ég ekki borga 1000 dollara eða meira fyrir það eitt að fá að sitja til borðs með einhverjum þremur köllum þar. Alveg sama hvað þeir kalla sig mikið ,,elite party".

|

Ógnvekjandi farangur

Ég er nú stundum á ferð milli landa með ýmiss konar matvæli í töskunni. Hingað til hafa áhyggjur mínar af slíkum farangri einskorðast við það hvort ég komist með allt óbrotið og hvort ég fái að fara með eitt og annað í gegn - til dæmis þegar ég tók með mér harðfisk til Bandaríkjanna um árið.

En það er víst fleira sem hafa þarf áhyggjur af, samanber þetta hér.

Ég er samt forvitin um grillkryddblönduna sem ber heitið Butt Rub.

|

12.6.06

Matarpróf

Hér er stuttur matar- eða eiginlega meira næringartengdur spurningaleikur að spreyta sig á. Ég fékk 5 rétt af 6; klikkaði á sætuefninu. Enda ekki mikið fyrir svoleiðis (gervisykur, meina ég).

|

Pigs in space ...

Vitið þið hvað er - samkvæmt upplýsingum frá geimförum NASA - mikilvægasta eldhúsáhaldið úti í geimnum?

|