(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

19.2.09

Að lenda á póstlista

Það fyrsta sem starfsmenn Forlagsins sáu þegar þeir opnuðu tölvupóstinn sinn í morgun var póstur frá einhverjum Didda og Möggu sem voru að boða framboð í forvali vinstrigrænna og biðja okkur um að setja tilkynningu um það á vef okkar. Ég opnaði ekki póstinn svo ekki veit ég hvort það er Diddi eða Magga sem er að bjóða sig fram eða kannski bæði en reikna síður með að það verði auglýst á vefsíðu Forlagsins.

Við fengum reyndar aðra framboðstilkynningu frá einhverjum öðrum fyrir skemmstu. Líklega eru vinstrigræn að nota einhvern fjölmiðlapóstlista sem allajafna er notaður fyrir fréttatilkynningar um bækur og menningarviðburði - og það þýðir trúlega að framboðstilkynningar og kosningaáróður á eftir að hellast yfir mann á næstunni í lange baner. Til dæmis frá Árna Birni Guðjónssyni fyrrverandi húsgagnasala og kristilegum lýðræðissinna en nú listmálara og vinstrigrænum.

Dem.

|

18.2.09

Lausnin á Seðlabankavandanum

Nú efast ég ekki um að þessi tillaga hafi komið fram áður, hún er eitthvað svo borðleggjandi, en finn fátt um það í fljótu bragði - en er ekki hægt að redda þessu Davíðsmáli öllu með því að drífa í að framfylgja stefnu stjórnvalda um flutning ríkisstofnana út á land og flytja Seðlabankann með manni og mús ... til dæmis til Trékyllisvíkur? Eða út í Grímsey, er ekki allt í lægð þar, búið að selja stóran hluta kvótans og fresta framkvæmdum - þeim mundi nú ekki veita af öflugri innspýtingu í atvinnulífið.

Ég man ekki betur en það hafi komið fram í könnun í fyrra að þrír fjórðu yfirmanna ríkisstofnana væru jákvæðir gagnvart flutningi þeirra út á land, man ekki betur en það hafi verið yfirlýst stefna Sjálfstæðisflokksins í stjórnartíð Davíðs. Svo varla getur hann haft mikið á móti því. Reyndar þyrfti kannski að hafa seðlageymsluna einhversstaðar uppi á fastalandinu og líklega smáafgreiðslu í Reykjavík en að öðru leyti held ég þetta hljóti að vera ídeal lausn.

Tvær flugur í einu höggi, semsagt.

|

17.2.09

Af upptökum, tildrögum og sniffurum

Ég var að lesa frétt á vísir.is um gassprengingu á Akureyri. Þar stendur m.a. þetta:

,,Talið er að upptök eldsins hafi komið til vegna leka á einum af 25 gaskútum."

,,Þar af voru óvanalega stórir kútar."

,,Samkvæmt lögreglunni á Akureyri er það hreinlega kraftaverk að það var ekki einn kútur sem sprakk við brunann."

,,Á heimilinu voru tveir hundar auk þess sem maðurinn bjó með konu." (Forgangsröðin á hreinu.)

,,Samkvæmt lögreglunni var honum komið í hendur dýralæknis, en ekki er ljóst hver tildrög dýrsins voru."

,,Húsið er í eigu fyrirtækis en þegar rætt var forsvarsmann þess sagði hann fólkið hafa búið í húsinu síðan síðasta sumar. Þau greiddu leigu á settum tíma og kom vel fyrir."

Einmitt.

|