(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

14.5.05

Mér leiðist. Svo að hér er eitt netpróf enn. Auðvitað er það græðgin sem á eftir að fara með mig:

You scored as Suffocated. Your cause of death will be suffocation. Be careful and chew before you swallow!

Suffocated

87%

Natural Causes

80%

Bomb

60%

Disappear

53%

Accident

47%

Suicide

47%

Disease

47%

Gunshot

40%

Posion

40%

Stabbed

40%

Eaten

27%

Cut Throat

13%

Drowning

13%

How Will You Die??
created with QuizFarm.com

|

Hótelið sem ég ætla að gista á í Santo Stefano Belbo í Langhe býður upp á vínþerapíu. Ætli það sé ekki akkúrat það sem hnéð á mér þarf á að halda? Aldrei að vita hverja maður rekst á þarna: ,, ...vinothèrapie spa, where you can soak in wine extracts and emerge looking younger and more beautiful than ever ? Madonna and Isabelle Adjani are listed among the satisfied customers ..." já, kannski ég komi til baka enn líkari Pamelu en áður.

|

13.5.05

En þetta netpróf hérna var annars miklu miklu skemmtilegra. Ég er alveg sátt við þessa niðurstöðu. Svona miðað við aldur og fyrri störf:

You scored as Pamela Anderson. You would look most like Pamela Anderson (this means you have similar features... youre not identical)

Pamela Anderson

50%

Michael Jackson

44%

Ashlee Simpson

44%

Paris Hilton

38%

Lindsay Lohan

38%

What Celebrity Could Be Your Twin!? (Awesome!!)
created with QuizFarm.com

|

Ekki að ég þurfi endilega að taka eitthvert netpróf til að segja mér að ég sé krati. Ég vissi alltaf að það yrðu örlög mín.

You scored as Democrat. <'Imunimaginative's Deviantart Page'>

Democrat

92%

Green

92%

Socialist

75%

Communism

67%

Anarchism

67%

Fascism

33%

Nazi

8%

Republican

8%

What Political Party Do Your Beliefs Put You In?
created with QuizFarm.com


Hvað sagði annars Denny Crane í gærkvöldi (tilvitnað eftir minni): ,,It feels great, shooting a bad guy. - That's something you Democrats will never know."

|

Nú er bara allt á uppleið þrátt fyrir þoku og skúraveður. Föstudagurinn þrettándi hvað ...???

Ég hreinsaði niðurfallið. (Einhver spurði hvað ég hefði verið að gera með fjallagrös og blóðberg í baðkerinu. Nei, ég var ekki í grasabaði. Ég var að þrífa skúffu úr eldhúsinnréttingunni þar sem hunangskrús hafði opnast og hellst yfir poka af íslensku jurtatei, svo að allt límdist fast við skúffubotninn.)

Ég er ekki lengur hölt. Kannski ekki farin að hlaupa, en samt ...

Efnafræðistúdentinn lítur mun betur út. Allavega ekki rétt að nota lýsingarorðið hundakuðruntulegur um hann.

Ég mundi hvað þetta mikilvæga var og það var ekki líkt því eins mikilvægt og ég hélt.

Ég hef ekki brotið neitt það sem af er deginum. Ekki heldur hellt neinu niður eða misst sósu framan á mig. (Hádegismaturinn er að vísu eftir.)

Ég held svei mér þá að ég sé búin að elda og skrifa allt sem ég þarf að elda og skrifa fyrir grillblaðið. Nema efnisyfirlitið og indexið er náttúrlega eftir en það er aldrei hægt að gera fyrr en á síðustu stundu hvort eð er.

Ég er í góðum málum, semsagt. So far, allavega.

|

12.5.05

Niðurfallið á baðkerinu er stíflað af fjallagrösum og blóðbergi.

Ég er búin að vera draghölt í allan dag, gjörsamlega án ástæðu.

Efnafræðistúdentsgreyið fór hálflasinn í heteróhringjaprófið og er ansi hreint hundakuðruntulegur að sjá þessa stundina.

Ég veit að ég er að gleyma einhverju mjög mjög mikilvægu. Ég veit bara ekki hvað það er. Auðvitað ekki.

Baunakrukkan mín datt ofan af ísskápnum og mölbrotnaði. Baunir og glerbrot út um allt gólf. Mesta mildi að hún datt ekki ofan á hausinn á mér, óvíst hvað þá hefði brotnað.

Ef ég væri hjátrúarfull mundi ég tauta eitthvað um að svo væri föstudagurinn þrettándi á morgun, hvernig endar þetta eiginlega ... en ég er ekki hjátrúarfull og auk þess er það mánudagurinn þrettándi sem er óhappadagur í minni fjölskyldu.

|

Ég er að leita mér að hóteli í Tórínó af því að ég ætla að vera þar í nokkra daga í júní. Nú tekur maður ekki fullkomið mark á öllu sem fullyrt er um hótelin á vefsíðum og í bæklingum (ég hef gist á hótelum sem var lýst eins og lúxusvillum en reyndust vera bölvuð greni - og svo hef ég gist á hótel STEP í Prag, það er sérkafli). Samt held ég að ég hafi sjaldan séð jafnótrúverðuga lýsingu og var að finna hjá þessu ágæta hóteli:

,,Best Western City Hotel Turin is located 100 metres from Porta Susa Station. Easy to reach from highways central and ring direction 'centro.' All the major attractions of Copenhagen are within easy reach."

Ég er ekki viss um að ég velji þetta hótel. Nýkomin frá Kaupmannahöfn og allt.

|

11.5.05

Efnafræðistúdentinn er frekar kátur núna. Það er þó ekki út af góðu gengi í glímunni við heteróhringina.

Hann heldur nefnilega með Arsenal. Mér skilst á honum að mörkin séu orðin svo mörg að honum var næstum því sama þótt hann missti af einu á meðan hann var að vera góður sonur og færa móður sinni kaffi.

|

Getur einhver útskýrt fyrir mér af hverju ég má ekki tala um hráefni í fleirtölu? Mér sýnist að í Ritmálsskrá orðabókarinnar sé orðið alveg eins haft í fleirtölu í elstu heimildum sem þar eru. Enginn sér neitt að því að tala um fíkniefni eða auk(a)efni í fleirtölu. Af hverju þá ekki hráefni?

Og fyrst ég er öll í efnunum núna (án þess að efnafræðistúdentinn og heteróhringirnir hans hafi neitt með það að gera), af hverju á að skrifa aukefni en ekki aukaefni?

|

10.5.05

Er einhver þarna úti sem kann fyrripartinn af vísu sem mig minnir að sé eftir Stefán Jónsson alþingismann og endar svona:

Berðu sultu á baunirnar
svo þær ballanseri á hnífnum.

(Hnífnum er auðvitað borið fram ,,hníbbnum".)

Mig bráðvantar fyrrihlutann af þessari góðu ráðleggingu og það væri ekki verra að vita til hvers henni var beint. Ég rakst nefnilega á þessa vísu áðan:

I eat my peas with honey,
I've done it all my life,
It makes them taste quite funny
But it keeps them on the knife.

|

Aumingja efnafræðistúdentinn er að fara í próf. Hann er lasinn með hita en ætlar samt í prófið. Móðurhjarta mitt er náttúrlega uppfullt af vorkunn og drengurinn á alla mína samúð.

Og svo eru það heteróhringirnir á fimmtudaginn. Ég veit ekki hvað heteróhringir eru þótt það hafi oftar en einu sinni verið reynt að útskýra það fyrir mér þrátt fyrir kröftug mótmæli mín. En mér finnst þetta samt mjög fyndið nafn á námskeiði. Get ekki að því gert.

Einhverjir af vinum efnafræðistúdentsins hafa verið að hringja í hann að undanförnu bara til að láta hann vita að þeir séu búnir í prófum. Þeir eru núna fyrrverandi vinir hans.

|

9.5.05

Ég borðaði fjörsung á laugardagskvöldið. Man nú ekki eftir að hafa smakkað þann fisk fyrr en hann var nokkuð góður. Með honum var líka léttreyktur hörpuskelfiskur, djúpsteikt svartrót og fleira gott.

Annars hef ég ekki verið nógu dugleg að panta fiska sem ég þekki ekki af matseðlum veitingahúsa í útlöndum, kannski eftir að hafa nokkrum sinnum orðið fyrir vonbrigðum hér áður fyrr en þá á ekkert sérstaklega góðum veitingahúsum. Þarf að fara að taka mig á. Reyndar fékk ég mér fyrr í vetur gedduborra á veitingahúsi í Kaupmannahöfn, hann var ágætur í það skiptið en ég hafði einhvern tíma borðað þann fisk áður, líklega í Prag, og varð ekki hrifin. Í Ungverjalandi fékk ég líka einu sinni fisk með moldarbragði, hann var ekki góður.

|

Stórfrétt: Bush sá Ísland. Veeei.

|

8.5.05

Það var bara einu sinni hringt í gemsann minn á meðan ég var úti. Þetta var Gallup og ætlaði að kanna skoðanir mínar á einhverjum fjandanum, ég stoppaði konuna af áður en hún gat sagt mér það og bað hana að hringja seinna þar sem ég væri erlendis.

Ég var reyndar að hugsa um að segja henni að ég stæði á brókinni inni í mátunarklefa en það hefði jú verið ósatt og ég er þekkt fyrir sannsögli (alveg satt). Ég var reyndar í Illums en ég var bara að skoða ansi snotra græna peysu sem var bara fimm númerum of lítil og fimmhundruð (dönskum) krónum of dýr. Svo að ég lét mátunarklefann eiga sig.

Ég held reyndar að Gallup hafi verið að hringja áðan en ég var ekki nógu fljót að svara. Sama er mér. Gallup ætti að halda sig við að hringja í efnafræðistúdentinn, hann er svo svaragóður.

|

Það var bara þónokkuð mikið gaman í Kaupmannahöfn.

Við erum hinsvegar orðnar svo aldraðar og stilltar að líklega þurfum við lengri tíma en Kaupmannahöfn til að jafna okkur eftir heimsóknina. Hefði kannski verið öðruvísi hér áður fyrr. Þriggja daga samfelldur saumaklúbbur er frábær upplifun sem örugglega verður endurtekin. Bara ekki alveg strax ...

Við enduðum svo í gærkvöldi á fjögurra (eða reyndar sex) rétta sælkeramáltíð á Restaurant Grønnegade. Það var hreint ekki slæmt. Áður höfðum við verið menningarlegar og heimsótt staði eins og Botanisk Have (til að kynna okkur danskt gróðurfar), Illums Bolighus (til að kynna okkur danskan stíl), Hviids Vinstue (til að rifja upp íslenska sögu), Nýhöfnina (til að kynna okkur danska bjórmenningu, nema við sáum auðvitað meira af þeirri sænsku), Magasin du Nord (til að gá hvernig gengur hjá Baugi) og nokkra fleiri valda staði, sem flestir selja annaðhvort föt eða bjór.

Sem sagt: gott.

|