(function() { (function(){function c(a){this.t={};this.tick=function(a,c,b){var d=void 0!=b?b:(new Date).getTime();this.t[a]=[d,c];if(void 0==b)try{window.console.timeStamp("CSI/"+a)}catch(l){}};this.tick("start",null,a)}var a;if(window.performance)var e=(a=window.performance.timing)&&a.responseStart;var h=0=b&&(window.jstiming.srt=e-b)}if(a){var d=window.jstiming.load;0=b&&(d.tick("_wtsrt",void 0,b),d.tick("wtsrt_","_wtsrt", e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=c&&window.jstiming.load.tick("aft")};var f=!1;function g(){f||(f=!0,window.jstiming.load.tick("firstScrollTime"))}window.addEventListener?window.addEventListener("scroll",g,!1):window.attachEvent("onscroll",g); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

29.11.08

Grísabógarnir



Kryddaðir með rósmaríni, lárviðarlaufi, regnbogapipar og Maldonsalti.

|

Þú ert eins og ...

Ég hitti mann í Forlagspartíinu í gær sem líkti mér við Britney Spears. Hann var reyndar ekki að meina að við værum líkar í útliti, heldur að það væri hægt að fylgjast með ferli mínum í fjölmiðlum. Ókei, má vera.

En í dag sagði mamma að ég væri að verða eins og Elinborg skáldkona Lárusdóttir. Og hún var að meina útlitið, held ég.

Við hverja ætli mér verði svo líkt næst?

|

Neinei, ég er ekkert hætt

Það hafa víst einhverjir saknað mín héðan síðustu vikuna og best ég segi strax að ég er ekkert hætt að blogga, hef bara ekki verið í neinu skapi til þess að undanförnu af ýmsum aðskiljanlegum ástæðum, sumum augljósum (ég nenni ekki að skrifa meira um andskotans kreppuna, hún minnkar ekkert við það), öðrum á margra vitorði og enn öðrum sem enginn veit nema ég og ég þó varla. (Þetta var nú frekar véfréttarlegt en það verður svo að vera.)

Ég fór ekki að mótmæla í dag, það var alltof kalt og ég í svo kreppulegum skóm að sólarnir eru að detta af þeim og þeir halda hvorki veðri né vindum. Það er léleg afsökun en ég hef sagt það áður að Ísland hentar illa til mótmælafunda að vetrarlagi. Og ég frysti svo oft hálfpartinn af mér tærnar á einhverjum mótmælum þegar ég var yngri. Nenni því ekki lengur nema í undantekningartilvikum. Þetta er ekkert fyrir illa skæddar miðaldra húsmæður í brunagaddi. Og nú er ég komin heim með 8 kíló af svínabóg sem ég er að fara að setja í ofninn.

Annars bar það helst til tíðinda í mínu lífi nú í vikunni að rithöfundur einn (og það meira að segja hjá alltöðru forlagi) gaf sér tíma til þess (frá kynningu tveggja bóka sem hann er með í jólabókaflóðinu) að bregða sér í Ikea og kaupa fyrir mig Billyinn sem mig er lengi búið að vanta. Svo að nú eru ekki lengur bókastaflar á hverju borði og öðrumhverjum stól og meira að segja í gluggakistunum líka. Hafi hann mikla þökk fyrir.

Nema ég er búin að sjá að ég verð að endurskipuleggja matreiðslubókasafnið því að nú inniheldur nýi Billy-inn bara ,,odds and ends" og þarna er Swindled: From Poison Sweets to Counterfeit Coffee - The Dark History of the Food Cheats við hliðina á Das Nichts Wegwerfen Kochbuch - Kochen mit Resten. Og það gengur augljóslega ekki, það ætti nú hver maður að sjá. Svona bókasafnslega séð.

Spurning samt hvort ég kemst í þetta fyrir jól. Það er vesen að raða 1750 titlum upp á nýtt.

|