Auðleyst vandamál

Þorgerður Katrín óttast að mikilvæg verkefni verði útundan á meðan ráðherrar og þingmenn eru í kosningabaráttu. Pþvu, það er nú auðvelt að sjá við því. Setja bara fullt af nýju fólki í framboð og láta gamla liðið sjá um að stjórna rétt á meðan (og fylgjast vel með því auðvitað). Svo getur það farið í frí.

Hitafundur

Það var ansi heitt á fundinum. Utan sem innan. Fólki var heitt í hamsi en það var ekki heitt í kolunum, ekki í þeirri merkingu að fólk væri ósammála. Nei, þvert á móti voru allir mjög sammála. En það var skolli heitt. Anarkistunum þremur sem stóðu beint fyrir framan mig var svo heitt að þeir fóru að fækka fötum, fara úr svörtu úlpunum og rekja treflana utanaf hálsinum. Tóku samt ekki ofan grímurnar. Þeir reyndu dálítið að öskra frammí en þegar þeir voru búnir að hlusta á gamla aðgerðarsinna eins og Mörð og Pétur Tyrfings held ég að þeir hafi kannski verið farnir að átta sig á því að þeir höfðu ekki svo margt að öskra yfir. Allir fundarmenn voru held ég innilega sammála um að ríkisstjórnin væri vanhæf.

-Það er alltof heitt, ég er farinn, tilkynnti yfiranarkistinn og fór og hinir á eftir.

If you can't stand the heat, get out of the kitchen, datt mér í hug og fór hvergi. Enda búin að standa í sjóðheitu eldhúsi og elda á fullu í allan dag.

Nú fyrst er ég orðin gömul ...

Ég gæti sem best verið mamma formanns Framsóknarflokksins. Hann er rétt tæpu ári yngri en dóttir mín.

Það er einkennileg tilfinning.

Ég sem ólst upp við þá Eystein og Óla Jó.

Greiður aðgangur, jájá ...

Af Eyjunni:

,,Aðspurður um gagnrýni hagfræðinganna um að hér á landi væri gífurlegur skortur á upplýsingum, til dæmis um skuldastöðu ríkis og banka, segist Ingimundur ekki telja að þetta sé rétt. Hér hafi jafnan verið mjög greiður aðgangur að talnalegum upplýsingum.

Ingimundur var spurður hver væri nákvæmlega skuldastaða landsins, en hann kvaðst ekki vilja ræða það að svo stöddu ..." ,,... ð öðru leyti vilji hann ekki tjá sig um þessi mál."

,,ngimundur svarar aðspurður hvers vegna ekki hafi verið brugðist við skýrslunni ekki hafa neitt um það að segja á þessu stigi. Afstaða Seðlabankans til skýrslunnar komi fram með nákvæmum hætti “í ritum okkar og ræðum og minnisblöðum sem eru á heimasíðu bankans”.

Í fljótu bragði var ekki að finna neina umfjöllun Seðlabankans um skýrsluna sem slíka á heimasíðu bankans í gær ..."

Einmitt.

Allt í rugli ...

Fyrirsagnir á Fréttagáttinni rétt í þessu:

Sigmundur kjörinn formaður | Mbl
Höskuldur Þórhallsson kosinn formaður Framsóknarflokksins | Amx
Sigmundur Davíð var kjörinn vormaður flokksins - tölur rugluðust | Vb.is
Höskuldur formaður Framsóknarflokks | Rúv
Sigmundur kjörinn formaður Framsóknarflokksins | Dv
Höskuldur Þórhallsson er formaður Framsóknarflokksins | Vísir
Höskuldur kjörinn formaður Framsóknarflokksins. Tvær umferðir þurfti til að fá niðurstöðu | Eyjan
Höskuldur Þórhallsson formaður Framsóknarflokksins | Vb.is

Það er kannski enginn vandi að ruglast á nöfnunum Sigmundur og Höskuldur. Ef þau eru mjög illa skrifuð.