Siggi Hall og Morgan Freeman

Hmm, það er nú ekkert skrítið að Siggi Hall (ásamt fleiri íslenskum kokkum) komi eitthvað við sögu á þessari ágætu matarhátíð (svona Washington Food and Fun eitthvað), sem endar á árlegum galadinner veitingahúsasamtaka Washingtonborgar (ekki aaaaaalveg Óskarshátíð en Siggi má lýsa þessari uppákomu þannig mín vegna - ég geri ráð fyrir að þar sem stendur ,,hefur verið lýst" sé Siggi sjálfur að lýsa).

Aðalsponsorarnir (platinum plus sponsors) eru nefnilega: Icelandair, Icelandic Group, Iceland Naturally, Reykjavík Food & Fun Festival og Sustainable Iceland. Svo að það væri skrítið ef það væri ekki íslenskt hráefni og íslenskur kokkur. Verst að kynningarpeningarnir eru búnir og dugðu ekki fyrir blaðamannafundinum.

Eníveis, mér er nokk sama. En mig langar samt að vita hvaða verkefni það er sem Baldvin Jónsson ætlar að hitta Morgan Freeman út af. Eða ég geri ráð fyrir að þetta sé Morgan sem hann er að tala um, gaurinn á veitingahús í Clarksdale og hefur verið skrifaður fyrir matreiðslubók og allt.