Nautauxar

Ég fór í Kringluna áðan með gagnlega barninu til að kaupa straubretti (ekki kannski akkúrat staðurinn en hún átti erindi þangað og jú, það fengust þokkaleg straubretti í Byggt og búið) - en allavega, fyrst ég var þarna fór ég í Hagkaup að kaupa eitthvað í kvöldmatinn fyrir fjölskylduna. Og í kjötborðinu blasti við mér á einum bakkanum miði sem á stóð:

Nauta-uxahalar.

???

Ég sé mikið eftir að hafa ekki spurt hvort ekki væru til svína-uxahalar. Eða kannski kjúklinga-uxahalar?

Það er margt skrýtið í kýrhausnum. Nautakýrhausnum, nánar tiltekið.