Það er allt í einu vaxinn á mig tilberaspeni. Bót í máli að ég var ekki uppi fyrr á öldum, þá hefði ég sjálfsagt verið brennd á báli. Reyndar er ég ekki enn farin að ganga hölt, sem er hitt einkennið sem tilberamæður þekkjast á, en ég á allavega alltaf töluverðar smjörbirgðir eins og ég hef áður nefnt, svo að það hefði líklega haft álíka mikið upp á sig fyrir mig að afneita tilberanum þótt hann væri ófinnanlegur og fyrir Íraka að afneita gjöreyðingarvopnaeign. Böndin hefðu borist að mér rétt eins og þeim.

Eins gott að ég er uppi á 21. öldinni og konur eru ekki lengur brenndar á báli á grundvelli óljósra sönnunargagna.

Verra með aumingja Írakana.