(function() { (function(){function b(g){this.t={};this.tick=function(h,m,f){var n=void 0!=f?f:(new Date).getTime();this.t[h]=[n,m];if(void 0==f)try{window.console.timeStamp("CSI/"+h)}catch(q){}};this.getStartTickTime=function(){return this.t.start[0]};this.tick("start",null,g)}var a;if(window.performance)var e=(a=window.performance.timing)&&a.responseStart;var p=0=c&&(window.jstiming.srt=e-c)}if(a){var d=window.jstiming.load; 0=c&&(d.tick("_wtsrt",void 0,c),d.tick("wtsrt_","_wtsrt",e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=b&&window.jstiming.load.tick("aft")};var k=!1;function l(){k||(k=!0,window.jstiming.load.tick("firstScrollTime"))}window.addEventListener?window.addEventListener("scroll",l,!1):window.attachEvent("onscroll",l); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

26.6.08

Gömul og gráskjótt

Ég er farin að grána.

Kannski ekki vonum seinna, komin á sextugsaldur. Verst þykir mér þó að ég virðist ætla að grána ójafnt, ég fann fimm grá hár í hægri vanganum en ekki nema tvö í þeim vinstri. Ef sama hlutfall helst áfram gæti ég þurft að endurskoða fyrri ákvarðanir um að lita ekki hárið. Nema ég vilji vera með nærri algrátt hægra megin en bara grátt rétt aftur fyrir eyra vinstra megin.

Og þó. Það rifjaðist upp fyrir mér þetta eina skipti sem ég gerði tilraunir með að lita hárið. Svona austurevrópurautt. Það var ekki smart.

Líklega skárra að vera gráskjótt. Nema hvað það gæti einhver tekið feil á mér og ísbirni.

En ég er nú ekkert að hafa áhyggjur af því meðan gráu hárin verða ekki mikið fleiri.

|