Ef þið ætlið að stofna fyrirtæki og fara á alþjóðlegan markað en vantar vörumerki, þá er hægt að finna það hér ...

Reyndar var þetta sett upp af einhverjum sem fannst svo mörg ný vörumerki og fyrirtækisheiti svo asnaleg að þeir bjuggu til langan lista af vondum vörumerkjum og settu þetta á netið, þóttust vera ,,brand identity consultants". En einhverjir hafa ekki náð djókinu því að það er þegar búið að skrásetja yfir 20 af nöfnunum sem vörumerki.

Ég fékk Xpenditure. Ég er viss um að það er þegar frátekið.

Fyrst ég er að tala um nöfn: United Airlines ætlar að kalla nýja lággjaldaflugfélagið sitt Ted. Það býður upp á ýmsa möguleika.