(function() { (function(){function b(g){this.t={};this.tick=function(h,m,f){var n=void 0!=f?f:(new Date).getTime();this.t[h]=[n,m];if(void 0==f)try{window.console.timeStamp("CSI/"+h)}catch(q){}};this.getStartTickTime=function(){return this.t.start[0]};this.tick("start",null,g)}var a;if(window.performance)var e=(a=window.performance.timing)&&a.responseStart;var p=0=c&&(window.jstiming.srt=e-c)}if(a){var d=window.jstiming.load; 0=c&&(d.tick("_wtsrt",void 0,c),d.tick("wtsrt_","_wtsrt",e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=b&&window.jstiming.load.tick("aft")};var k=!1;function l(){k||(k=!0,window.jstiming.load.tick("firstScrollTime"))}window.addEventListener?window.addEventListener("scroll",l,!1):window.attachEvent("onscroll",l); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

13.6.08

Gjafaáskriftin mín

Ég fékk bréf frá erlendu matartímariti um að ,,the gift subscription you so kindly gave to Ms. Rognvaldardottir is shortly due for renewal". Ég kannast alveg við að vera áskrifandi að blaðinu en hafði ekki hugmynd um að ég hefði gefið sjálfri mér gjafaaáskrift. En svona er ég nú rausnarleg.

Ég held samt ég ansi þessu ekkert. Ég kem sennilega til með að kaupa blaðið áfram en ég sé að sérstaka tilboðið sem þeir eru að bjóða mér ef ég endurnýja strax - verður ekki í boði aftur! - er nokkrum pundum hærra en ég fengi blaðið í gegnum isubscribe.co.uk, þar sem ég kaupi hin bresku matartímaritin sem ég er með í áskrift. Svo að ég held ekki.

Reyndar er annað sem ég skil ekki: Ég er áskrifandi að fjórum tímaritum gegnum isubscribe. Tvö þeirra (minnir mig) fæ ég send hingað á Grettisgötuna, hin tvö fara enn á Kárastíginn. Samt eru þau öll skráð á sama heimilisfang hjá isubscribe og ég endurnýjaði áskriftina að þeim öllum sama daginn. Hmm. Ég fæ þau nú samt yfirleitt seint og um síðir, þegar einkasonurinn man eftir að taka þau með sér hingað. En þegar ég endurnýja áskriftirnar í haust ætla ég samt að árétta að það séu jú nærri tvö ár síðan ég flutti.

Góðir hlutir gerast hægt.

|