Fávísar konur

Mér heyrðist Boltastelpunni lítast nokkuð vel á að Jón Ásgeir kvað ætla að fara að kaupa Newcastle. Þá gæti nefnilega verið að það yrði beint flug þangað öðru hverju þegar stórleikir eru á staðnum og þá getur hún notað tækifærið og heimsótt afa sinn og ömmu ... En hún hefði þó sennilega fremur kosið að Björgúlfur vinur hennar keypti liðið. Þá hefði hún kannski getað sníkt sér far með einkaþotu.

Ég sé svosem ekki fídusinn í því að eiga útlensk fótboltalið. En það er ekki að marka, ég er bara fávís kona. (You stupid woman, eins og René Artois mundi segja.)

Dagurinn hefur annars að mestu farið í að horfa á Allo! Allo! (5. þáttaröð) sem ég er búin að eiga á diski mánuðum saman en hef ekki komið í verk að horfa á fyrr en núna. Svo að ég er búin að heyra ,,You stupid woman!" nokkuð oft.