Súpuvígsla

Nýja eldavélin var vígð með súpueldamennsku.

Hún stóð sig alveg ljómandi vel, takk fyrir. Súpa í sex pottum samtímis á vélinni (það var reyndar ekki kveikt á alveg öllum hellunum í einu).

Fjölskyldan kom í súpuveislu þegar búið var að mynda en það dugði ekki til - þetta sem sést á myndinni er enn eftir. Fólk má alveg kíkja inn þegar fer að nálgast matartíma á næstu dögum ...