Merkilegt að ég skyldi nefna Andrés Önd á dönsku hér í gær. Það er nefnilega sagt frá andláti mjög merkrar konu í dönsku blöðunum í dag. Það voru sköpunarverk þessarar konu sem ég gat notið eftir kennslu móður minnar (og Eiríks bróður, hann tók við dönskukennslunni af mömmu).

Ég hef áður hyllt Sonju Rindom. En það er alveg ástæða til að gera það aftur, núna þegar hún er farin til Langtbortistan. Langtbortistan er einmitt einn af yndislegum smíðisgripum Sonju Rindom.