Sko, nú er ég ekki með Stöð 2 og sé ekki Jóa Fel. En ég var að skoða uppskriftirnar úr nýja þættinum á netinu áðan og var ekki nema hóflega impressed. Getur einhver sem sá þáttinn sagt mér hvort kartöflusalatið var í alvöru skreytt með brenndum vorlauk? Eða er myndin sem þarna birtist bara svo vond að hann sýnist brenndur?

Ég hef semsagt ekki séð þessa þætti og get því ekkert um þá sagt; hef hvorki séð Jóa í sturtunni né við skurðarbrettið. En ég man varla eftir að hafa heyrt eða séð nokkurn mann tala jákvætt um þættina. Ekki eru þessir kokkar hrifnir, svo mikið er víst. Ég er svosem ekki að gera ráð fyrir að þeir væru hressir með neitt sem kemur frá snúðabakara sem er að setja sig í hlutverk kokksins ...