(function() { (function(){function b(g){this.t={};this.tick=function(h,m,f){var n=void 0!=f?f:(new Date).getTime();this.t[h]=[n,m];if(void 0==f)try{window.console.timeStamp("CSI/"+h)}catch(q){}};this.getStartTickTime=function(){return this.t.start[0]};this.tick("start",null,g)}var a;if(window.performance)var e=(a=window.performance.timing)&&a.responseStart;var p=0=c&&(window.jstiming.srt=e-c)}if(a){var d=window.jstiming.load; 0=c&&(d.tick("_wtsrt",void 0,c),d.tick("wtsrt_","_wtsrt",e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=b&&window.jstiming.load.tick("aft")};var k=!1;function l(){k||(k=!0,window.jstiming.load.tick("firstScrollTime"))}window.addEventListener?window.addEventListener("scroll",l,!1):window.attachEvent("onscroll",l); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

22.7.03

Ég er að elda kjöt í karríi handa Krítarförunum. Boltastelpan kom með mér heim til að hjálpa mér við eldamennskuna og var búin að lýsa því margsinnis hvað hún ætlaði að vera dugleg og hvað það yrði gaman að vera með mér af því að við höfðum ekki sést í hálfan mánuð. Þremur mínútum eftir að við komum hingað var hún farin upp til Skara og Evu að horfa á vídeó með Matthildi.

Sauðargæran á tveggja ára afmæli í dag. Hann fékk loftpressu frá foreldrum sínum. Þau höfðu hins vegar ekki alveg áttað sig á að loftpressan er sko ekki bara þykjustu, hún gengur fyrir rafhlöðum og framkallar bæði hávaða og titring. Sauðargæran er búin að elta fólk út um allt hús með loftpressu að vopni og hamast á hinum ýmsu líkamshlutum þess. Eins gott að þau gáfu honum ekki keðjusög.

Annars á ég svosem eftir að kaupa afmælisgjöf handa honum. Hmm.

|