Grillaður saltfiskur, kanína og fleira

Grillæfingarnar í gær tókust bara ljómandi vel. Við grilluðum meðal annars saltfisk, kanínufillet og perustrudel. Og ýmislegt fleira. Allt nokkuð gott. Svo byrjuðum við auðvitað á Vínbarnum og enduðum á Ölstofunni. En ég hélst nú ekki mjög lengi við þar.

Núna er ég að horfa á Olsen-banden overgiver sig aldrig í danska sjónvarpinu. Ekki ein af þeim allrabestu en það eru nokkur góð atriði í henni, t.d. Lego-verkfærið í upphafssenunni, sem tekur langt fram öllu sem sést hefur í hönnunarkeppni verkfræðinema, og svo auðvitað uppblásna dúkkan og pornóblaðið sem trylla belgíska vörðinn.

Já, og planið hjá Egon er að þessu sinni að kaupa upp öll hlutabréf í Magasin du Nord. Hann var á undan sinni samtíð.