Ég sit hérna og er að horfa á Charmed - eða reyndar ekki en það er kveikt á sjónvarpinu og ég nenni ekki að skipta - og ljósberinn Leo, sem getur læknað flest heimsins mein, er einmitt búinn að gera við þvottavélina og vaskinn og klósettið og fleira og heillanornin, fyrrverandi frú hans, segir ,,ég var búin að gleyma hvað er gott að hafa þig á heimilinu" og þá áttaði ég mig á að mig vantar einmitt svona ljósbera. Ekki til að lækna eitt eða neitt, bara til að gera við ýmis biluð tæki og þess háttar.

Ekki samt fyrrverandi eiginmann, takk.