Ætli ég verði ekki, sem bloggandi blaðamaður, að horfa á Ísland í dag á eftir? Og mæta á pressukvöldið hjá BÍ annað kvöld?
Ég man nú reyndar varla eftir að hafa talað illa um nokkurn mann. Ekki mjög allavega. Engan hef ég kallað hyski eða skítapakk eða hvað það nú var. Þótt mig hafi stundum langað pínulítið til ...
Ég veit annars ekki hvort ég mundi skrifa neitt öðruvísi þótt ég væri að blogga nafnlaust. Ég held að ég kynni ekki við mig þannig. Ætlaði einhverntíma að tjá mig nafnlaust einhvers staðar og komst svo að því að ég bara gat það ekki.
En það er fjandanum erfiðara að standa ein gegn hópi nafnleysingja, það þekki ég.
