Ég held að þau hjá Matborðinu (sem sér um matarbakkana sem við fáum í hádeginu) hljóti að hafa lesið eitthvað um hollustu súkkulaðis. Í dag var nefnilega heilt 100 gramma súkkulaðistykki með hverjum einasta matarbakka.

Einhver tortrygginn vinnufélagi minn sagði að þetta súkkulaði væri örugglega útrunnið fyrst svona rausnarlega væri skammtað. Ég skoðaði stykkið mitt - nei, hreint ekki. Það rennur ekki út fyrr en eftir heila viku.