Svo ég haldi áfram að vitna í dagblöðin (nei, ég er ekki búin að liggja í blaðalestri í allan morgun, maður á nú kaffitíma), þá rak ég augun í atvinnuauglýsingu í Mogganum:

Matreiðslumaður óskast í veiðihús. Óskum eftir að ráða hægan og vanan matreiðslumann í veiðihús í sumar.

Ég hef aldrei séð auglýst eftir hægum starfsmanni áður. En þeir eru sjálfsagt til í matreiðslumannastétt eins og annars staðar ... Þið þarna kokkar, vitið þið ekki um einhvern sem væri eins og sniðinn í þetta starf?