Það eru víst fimmtán ár í dag síðan bjórinn var leyfður. Mér er eiginlega alveg hundsama. Ég er engin bjórmanneskja. Rauðvín og hvítvín, gott mál. Bjór ... naaah. Ekki fyrr en hitinn fer yfir 20 stig. Ég er allavega ekki að fara að halda upp á þetta merka afmæli.

Aftur á móti getur vel verið að ég haldi upp á það á miðvikudaginn að þá er ég búin að vera hamingjusamlega fráskilin í fimmtán ár. Eða allavega, þá eru slétt fimmtán ár síðan ég flutti heimanað frá mér.

Það skal tekið fram að þessi tvö afmæli eru á engan hátt tengd.