Bók sem er 34 kíló. Vá. Sjálf hef ég aldrei skrifað bók sem er þyngri en 3,4 kíló,og það er að meðtalinni öskjunni. Samt kvörtuðu ýmsir yfir því að Matarást hentaði illa til lestrar fyrir svefninn og einn kunningi minn kallaði hana ,,Andarteppubókina" af því að hann var vanur að láta bækur sem hann var að lesa í rúminu hvíla á bringunni.

Ég veit annars ekki hver getur lesið svona bók, hvorki í bólinu né annars staðar, nema þá Ali sjálfur þegar hann var í fullu fjöri. En þetta er svosem ekki gefið út til að verða lesið.

Ætlar annars einhver að reyna að halda því fram í alvöru að Parkinsonsjúklingurinn Ali hafi áritað tíu þúsund eintök?