Rósavín er drykkur sem hefur heldur neikvætt orðspor en á það ekkert endilega skilið. Það er nefnilega til fleira en Mateus. Ég get til dæmis alveg mælt með þessu hérna. Akkúrat það sem ég hefði þurft að hafa áðan þegar ég kom heim úr vinnunni, þreytt, slæpt, enn með hausverk og gegnsósa af matarlykt. Heitt bað og hvítvínsglas dugði svosem alveg. Gott, frísklegt, kalt rósavín hefði verið betra. Með hráskinku, brauði og osti, til dæmis.

En svo fór ég á vín- og matarkynningu á Sögu og viti menn - þar fékk ég nákvæmlega þetta. Svo að þetta er alls ekki jafnslæmur dagur og ég var búin að spá.