Bræðraborgarstígur Hold´Em

Nokkrir starfsmenn Forlagsins settust út á pall í góða veðrinu í hádeginu og spiluðu Texas Hold'Em-poker af innlifun. Allt í þágu bókmenntanna auðvitað því að við erum að gefa út bók þar sem póker er meðal annars til umfjöllunar. Við vorum að vísu spilapeningalaus en nú er búið að skikka útgefandann í að redda spilapeningum. Í Tiger ef ekki vill betur til. Eða bankanum.

Það er ljóst í hvað góðviðrishádegin fara í sumar, það er að segja þegar ekki verður grillað.