Í dag er Mikjálsmessa. Ég hefði kannski átt að taka upp þann enska sið að steikja gæs til kvöldverðar en ég má bara ekki vera að því, það er verið að opna Gestgjafavefinn á þeim tíma sem ég þyrfti að vera að stússast við fuglinn svo að gæsasteiking bíður betri tíma. Ég hefði samt frekar kosið gæsina. Mér leiðist tilstand.

Svo kemur líka litla lambakjötsbókin mín út í dag. Hún er nokkuð snotur þó ég segi sjálf frá. Ég vona að þið sem eruð áskrifendur að Gestgjafanum fái bæði blaðið og bókina með skilum.