(function() { (function(){function b(g){this.t={};this.tick=function(h,m,f){var n=void 0!=f?f:(new Date).getTime();this.t[h]=[n,m];if(void 0==f)try{window.console.timeStamp("CSI/"+h)}catch(q){}};this.getStartTickTime=function(){return this.t.start[0]};this.tick("start",null,g)}var a;if(window.performance)var e=(a=window.performance.timing)&&a.responseStart;var p=0=c&&(window.jstiming.srt=e-c)}if(a){var d=window.jstiming.load; 0=c&&(d.tick("_wtsrt",void 0,c),d.tick("wtsrt_","_wtsrt",e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=b&&window.jstiming.load.tick("aft")};var k=!1;function l(){k||(k=!0,window.jstiming.load.tick("firstScrollTime"))}window.addEventListener?window.addEventListener("scroll",l,!1):window.attachEvent("onscroll",l); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

21.10.04

Ég var beðin um uppskrift að piadina-brauði áðan og það er best að setja hana hér líka. Reyndar birti ég hana á póstlistanum mínum á sínum tíma og hún ber þess merki.

Nú veit ég allt í einu hvað mig langar að hafa í kvöldmatinn.

,,Ítalska flatbrauðið piadina eða piada er afar mikið notað í Emilia-Romagna og er þar borðað sem morgunverður, hádegisverður, snarl um miðjan daginn, með antipasti eða með ýmsum aðalréttum. Brauðið á að borða heitt, helst nýbakað en ella upphitað. Ég hafði það stundum í hádegismatinn þegar ég var úti, notaði þá brauð sem ég keypti úti í búð og braut það saman um SanDaniele-hráskinku og einhvern góðan ost og hitaði á pönnu þar til osturinn var bráðinn.Þetta er eitt af þeim brauðum sem - þótt það sé afar einfalt að gerð - eru til mjög margar uppskriftir að. Ég hef bakað það áður eftir uppskriftum sem sumar innihalda engin lyftiefni, aðrar ger, en sú sem hér kemur fylgdi sérstakri piadina-pönnu sem ég keypti mér og hefur gefist ágætlega. Það þarf, nota bene, alls ekki að eiga sérstaka pönnu, ég er bara með dellu. Pannan er eins og stór pönnukökupanna (28-30 cm í þvermál) en það er hægt að nota hvaða þykkbotna pönnu sem er, piadinurnar geta verið stórar eða litlar eftir hentugleikum.

Piadina Romagnola

500 g hveiti
100 ml ólífuolía
3/4 tsk salt, eða eftir smekk
1/2 tsk matarsódi
volgt vatn eftir þörfum (ekki nota heitt!)


Hveiti, olíu, salti og matarsóda blandað vel saman (gott að nota matvinnsluvél) og vatni bætt út í smátt og smátt, þar til deigið er vel hnoðunarhæft og ekki mjög stíft. Látið hvíla nokkra stund en síðan skipt í 7-8 kökur sem eru flattar út í hringi, 2-3 mm á þykkt. Þykkbotna panna hituð vel og brauðin steikt við góðan hita í um 2 mínútur á hvorri hlið, eða þar til dökkir flekkir hafa myndast á báðum hliðum. Staflað upp jafnóðum og þau eru bökuð og viskastykki breitt yfir."

|