Eins og ég hef örugglega áður sagt, þá er örbylgjuofninn gagnslausasta heimilistækið í eigu minni. Ég hef bara fundið eitt verkefni sem örbylgjuofn er virkilega góður í og það er að sjóða ábrystir. En ég sýð ekki ábrystir nema einu sinni á ári eða svo og kæmist svosem alveg af án örbylgjuofnsins við það.

Snillingurinn Delia Smith er sömu skoðunar og segir að örbylgjuofninn ,,taki sálina úr matnum". Hún sýður að vísu ekki ábrystir mér vitanlega en hún segist þó hafa fundið eitt verkefni fyrir örbylgjuofninn sinn: Hún geymir öskubakkana í honum.