Það er eldspúandi dreki að brölta í kringum mig í sófanum. Eða ,,dreki með eld á munninn á sér" eins og hann lýsir sjálfum sér. Ég er nefnilega að passa Sauðargæruna á meðan foreldrar hans mála eldhúsið og það er að sjálfsögðu verið að horfa á He-Man.

Rétt áðan pikkaði drekinn í mig og tilkynnti ,,ég þarf að kúka". Ég held að ég hafi ekki lent í því fyrr að skeina eldspúandi dreka.