Ég sá endann á Law and order á Skjá 1 rétt áðan og þar var eitthvað minnst á ,,skyldubundna raddþjálfun fanga".

Ha? hugsaði ég. Eru bandarískir fangar skyldaðir í söngnám? Eða eru þeir kannski svona illa talandi og það er verið að meina talþjálfun?

En svo áttaði ég mig á því að saksóknarinn hafði ekki sagt ,,vocal training", heldur ,,vocational training". Sem er allt annar handleggur.