Mig langar í kaffi. Til dæmis Cuba Turquino eða Súmötrukaffi. Ja, eða bara eitthvert almennilegt kaffi.

En til að búa til kaffi þarf tvennt. Kaffi(baunir) og kalt vatn til að hita. Og þar stendur hnífurinn í kúnni. Það er nefnilega kaffilaust og kaldavatnslaust hér á bæ. Kaffileysinu mætti að vísu bjarga, það er búið að opna í Te og kaffi og ekki nema svona þriggja mínútna gangur þangað - en kaldavatnsleysið er óútskýrt og gæti orðið erfiðara viðfangs.