(function() { (function(){function b(g){this.t={};this.tick=function(h,m,f){var n=void 0!=f?f:(new Date).getTime();this.t[h]=[n,m];if(void 0==f)try{window.console.timeStamp("CSI/"+h)}catch(q){}};this.getStartTickTime=function(){return this.t.start[0]};this.tick("start",null,g)}var a;if(window.performance)var e=(a=window.performance.timing)&&a.responseStart;var p=0=c&&(window.jstiming.srt=e-c)}if(a){var d=window.jstiming.load; 0=c&&(d.tick("_wtsrt",void 0,c),d.tick("wtsrt_","_wtsrt",e),d.tick("tbsd_","wtsrt_"))}try{a=null,window.chrome&&window.chrome.csi&&(a=Math.floor(window.chrome.csi().pageT),d&&0=b&&window.jstiming.load.tick("aft")};var k=!1;function l(){k||(k=!0,window.jstiming.load.tick("firstScrollTime"))}window.addEventListener?window.addEventListener("scroll",l,!1):window.attachEvent("onscroll",l); })();

Konan sem kyndir ofninn sinn

Eldhúsreyfarar miðaldra matargúrús á Skólavörðuholtinu

18.9.08

Verslunarmannahelgarforsjálni

Ég sá auglýsingu á einhverjum netmiðli áðan frá einhverjum ágætum forvarnarsamtökum þar sem stóð ,,veist þú hvað barnið þitt ætlar að gera um verslunarmannahelgina?" Maður planaði nú stundum djammið aðeins fram í tímann á mínum sokkabandsárum - ég man að þegar við vinkonurnar vorum fimmtán ára ákváðum við með að minnsta kosti viku fyrirvara að við ætluðum að tjalda við Miðgarð en ekki Húnaver - en það er þrátt fyrir allt tíu og hálfur mánuður að næstu verslunarmannahelgi svo að það er til fullmikils ætlast að foreldrar viti hvað krakkaskammirnar ætla að gera. Sennilega gleymdist nú bara að skipta auglýsingunni út.

Það skal reyndar tekið fram að hér um árið flökkuðum við á milli og fórum bæði á ball í Húnaveri og Miðgarði og ég fór nokkrum sinnum á puttanum yfir Vatnsskarðið þá helgina. Þannig að ég var nú ekkert endilega þar sem ég hafði sagt foreldrum mínum að ég yrði ...

|