Bókaflóðið
Ég ætlaði að mæla áðan hvað matreiðslubókastaflinn við hliðina á tölvunni væri orðinn hár.
En þá fann ég ekki reglustikuna. Sennilega er hún einhvers staðar í miðjum staflanum.
Ég þarf að fara að taka til. Annars heldur staflinn áfram að hækka og hrynur yfir mig einn góðan veðurdag. Eða eitt óveðurskvöld, sennilega. Þá geta börnin mín auglýst:
,,Ástkær móðir okkar, Nanna Rögnvaldardóttir, drukknaði í bókaflóði á heimili sínu ..."
